Inicio

FESTA DA CARNE 2018

Este ano celébrase a edición número XXV da Festa da Carne. A entrada ten un prezo de 17 euros (para os menores, ata 11 anos incluído, a entrada é gratuíta.) e inclúe o seguinte menú: Empanada de Carne, carné ó caldeiro, carne richada, bica, viño , auga e licor cafe.

A festa estará amenizada pola Asociación Musical Terras de Trives, dende as 11 da mañá e pola tarde , a partir das 16:00 horas, pola Asociación Cultural Musical Charanga Europa.

Teremos tamén unha exposición de gando realizada polos gandeiros do Concello.

Haberá feira durante toda a mañá con postos de comida, roupa, calzado, artesanía, etc.

As entradas pódense coller ese mesmo día na Oficina de Turismo na planta baixa da casa consistorial a partir das 11:00 horas.

Premer na imaxe para ver o cartel da Festa da Carne 2018.

Plan económico financieiro 2017-2018

CULTURA INVESTIRÁ MÁIS DE 435.000 EUROS NO ACONDICIONAMENTO DO MOSTEIRO DE MONTEDERRAMO

CULTURA INVESTIRÁ MÁIS DE 435.000 EUROS NO ACONDICIONAMENTO DO MOSTEIRO DE MONTEDERRAMO

Tamén se acometerá a restauración da ponte Pedriña (Celanova) e da ponte de Casal (Entrimo)
O conselleiro de Cultura e Educación asinou os respectivos convenios de colaboración cos alcaldes de Montederramo, de Celanova e de Entrimo

Santiago de Compostela, 14 de marzo de 2018.- A Consellería de Cultura, Educación e Ordenación Universitaria investirá preto de 600.000 euros en obras de mellora do patrimonio cultural na provincia de Ourense que atinxen ao Mosteiro de Montederramo, a ponte Pedriña en Celanova e a ponte do Casal en Entrimo.

O conselleiro Román Rodríguez, asinou hoxe os respectivos convenios de colaboración cos alcaldes de Montederramo, Antonio Rodríguez; de Celanova, José Luís Ferro; e de Entrimo, Ramón Alonso López; a través dos cales o departamento de Cultura se encarga de acometer as obras e os concellos poñen a disposición os terreos e inmobles necesarios para a execución das obras de restauración.

Mosteiro de Montederramo

Segundo o convenio asinado hoxe, a Consellería de Cultura investirá un total de 435.150 euros nunha serie de actuacións derivadas do plan director do Mosteiro de Montederramo encamiñadas a mellorar a accesibilidade a este ben.

Deste xeito, procederase ao acondicionamento da sancristía co renovado de instalacións, eliminación de humidades do terreo, restauración das carpinterías e mellora da ventilación e á restauración das plantas baixa e alta do claustro seglar. Nesta última incorporarase unha plataforma elevadora para garantir a accesibilidade ao coro.

Así mesmo realizaranse melloras no espazo da escaleira reglar, a limpeza de paramentos, da bóveda, a renovación de rexuntados, das carpinterías e nova instalación eléctrica e de iluminación.

No patio do claustro realizarase unha intervención no cumio da cuberta do patio para reducir o soleamento e mellorar a ventilación dese espazo no verán para evitar o efecto invernadoiro. Tamén se colocarán toldos e lonas móbiles para tratar convenientemente a radiación e a acústica do recinto. Na sala capitular realizaranse labores de limpeza e repaso dos paramentos e bóvedas, e renovaranse as instalacións e restauraranse as carpinterías. Finalmente colocarase un ascensor no vestíbulo que conecta os claustros e reordenaranse os aseos que existen nesa zona.

O mosteiro de Montederramo -que é monumento BIC desde o ano 1951- está composto por unha igrexa, dous claustros situados ao sur dela e as súas dependencias monacais.